Banantzea lantzen

Gero eta banantze eta dibortzio gehiago gertatzen dira gure inguruan.

Kasu bakoitza desberdina bada ere, prozesua orokorrean zaila izaten da, eta batzuetan mingarria ere bai, bai helduentzat, baita umeentzat ere. 

Egoera horrek estresa eta sufrimendua dakarkie familiako kide guztiei. 

Hori kontuan hartuta antolatu dugu tailer hau; bertan gai hauek landuko ditugu: 

1. blokea: Banantzea, pauso onuragarria

• Banantzeari kutsu negatiboa kendu.

• Nola bizi dut banantzea bikotekide bezala? 

• Banantzea prestatu. 

• Nola eman albistea? 

2. blokea: Haurraren sentimenduak banantzearen aurrean

• Adinaren arabera, nola sentituko da? 

• Egiten ditugun akats nagusiak. 

• Zer egin eta zer ez egin?

3. blokea: Haurrekin banantzea kudeatzen 

• Haurrak prestatu. 

• Haurren autoestimua landu. 

• Haurraren emozioak kudeatu. 

4. blokea: Komunikazioa zaindu; komunikazio ez bortitzaren oinarriak

• Sortzen diren egoerak modu objektiboan deskribatu. 

• Sentimenduak azaldu, besteak epaitu gabe. 

• Gure beharrak eta besteen beharrak identifikatu.

Horretarako, talde dinamikak sortuko ditugu, emakume edo gizonezko bananduez 

osatutako taldeak izango dira, zeinetan, konfiantza giroa sortu ostean, aurreko puntuak landuko ditugun.

Horretarako, lehenengo bakoitzaren autobiografia modukoa idatziko dute, saio bat eskeiniko diogu horri. Izan ere, askotan gure burua aurkeztea eta bizitzan, momentu honetan, gauden puntura nola iritsi garen ohartu eta onartzea beharrezkoa izaten da ondoren bidean izan ditugun "arazoak" landu eta hauei aurre egiteko.

Ondorengo saioan, autobiografia irakurtzeko aukera emango zaie, hau ez da beharrezkoa izango, borondatezkoa baizik, nahi duenak, berea beste talde kideekin elkar banatu dezake, eta nahi izanez gero, hauek feed back-ak egin ahal izango dizkiote. 

Puntu hau garrantzitsu eta oso onuragarria da, izan ere, talde kide guztiak pertsona bananduak direnez, beraien historien artean dauden berdintasun eta ez berdintasunak entzun ditzazkete eta horrela beraiek egiten dituztenekin alderatu eta hausnartu.

Hurrengo 4 saioetan, aurkezpenean dauden 4 blokeak landuko ditugu, aste bakoitzean, bloke bat.

Hauetan, pertsonen historiak, roll-playing-ak, antzerkiak eta dialogoak erabiliko ditugu lanketan.

Azkenik azken saiora iritsiaz. Honetan, Tailerrari bukaera emango diogu, lau saio hautan ikasi dutena idazteko eskatuko zaie, hausnarpen txiki modura, eta gero hasieran bezala, altuan irakurtzeko aukera emango zaie.